Milan pret Romën për kreun

Nga Gazeta Si – Dy nga skuadrat më të mira në Itali do të përballen në “San Siro” të dielën, ku Milan pret Romën në shtëpi.

Ndërsa Milan humbi sërish pikë në mesjavë, kundërshtarët nga kryeqyteti qëndruan në hap me Napoli-n kryesues, falë një fitoreje 2–1 në Romë.

Megjithatë, Milan ka një seri prej 9 ndeshjesh pa humbje në të gjitha kompeticionet dhe ndodhet në vendin e 4 vetëm 3 pikë pas Romës dhe Napolit.

Allegri vazhdon të theksojë se qëllimi kryesor është rikthimi në Champions League, jo titulli, por këtë fundjavë do të duhet të provojë forcat ndaj një prej rivalëve direkt për kreun.

Pas ndërprerjes së ardhshme për kombëtaret, Milan do të përballet me Inter-in, por më parë përqendrimi është te dueli me Romën, skuadër që po habit me ecurinë e saj.

Historia është në anën e vendasve: kuqezinjtë kanë humbur vetëm një nga 11 përballjet e fundit në kampionat ndaj miqve — megjithatë, ajo humbje ishte pikërisht në ndeshjen e fundit, një disfatë 3–1 në Romë.

Pavarësisht ndryshimit të trajnerit dhe mungesës së një golashënuesi të rregullt, Roma ka fituar 7 nga 9 ndeshjet e para në Serie A — fillimi më i mirë në 8 vite.

Në udhëtim, verdhekuqtë janë të frikshëm — kanë maksimumin e pikëve këtë sezon, përfshirë një fitore në Europa League ndaj Nice.

Duke u kthyer në periudhën e fundit të Claudio Ranieri-t, Roma ka arritur më shumë fitore jashtë fushe (11) dhe e ka ruajtur portën të paprekur 9 herë.

Më shumë sesa çdo skuadër tjetër në 5 kampionatet kryesore të Evropës në këtë vit kalendarik.

Nëse fiton të dielën, Roma do të arrijë në 6 fitore rradhazi në transfertë në Serie A për herë të dytë në histori — por fitorja e fundit në “San Siro” ndaj Milan-it daton në vitin 2017.

Milan: Maignan; De Winter, Gabbia, Pavlovic; Saelemaekers, Fofana, Modric, Ricci, Estupinan; Nkunku, Leao

Roma: Svilar; Hermoso, Mancini, Ndicka; Celik, Cristante, Kone, Wesley; Soule, Pellegrini; Dybala

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.