Goditet grupi kriminal që trafikonte në Shqipëri vepra arti të vjedhura në Europë

16:03 - 31 Tetor 2025

Gazeta Si – Dy persona janë arrestuar dhe një i tretë është shpallur në kërkim nga policia e Tiranës të akuzuar për në trafikimin e veprave të artit nga Evropa drejt Shqipërisë.

Sipas policisë, këta persona funksiononin si grup i strukturuar kriminal. Personat e arrestuar janë Aurel Halilaj 20 vjeç dhe Islam Gjuta 30 vjeç, si dhe u shpall në kërkim Jetmir Halilaj 42 vjeç, të tre banues në Kamzë. Jetmir Halilaj dhe Aurel Halilaj janë babë e bir.

Pas kontrolleve, policia gjeti dhe sekuestroi 31 punime druri të gdhendura me motive të ndryshme; 3 skulptura në formë dhëmbi elefanti; 6 piktura të autorëve të huaj; 411 albume me pulla poste të shteteve të ndryshme të botës; një procesverbal origjinal francez, i vitit 1925.

Këto vepra artistike vidheshin nëpër shtete të ndryshme të Evropës, siguroheshin nga 30-vjeçari I. Gj., e më pas trafikoheshin në Shqipëri me qëllim shitjen e tyre.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.