Kompany vs. Guardiola për starting më të mirë në Bundesliga

Nga Gazeta Si – Gara ka nisur për trajnerin e Bayern Munich, Vincent Kompany, për të tejkaluar fillimin më të mirë ndonjëherë të një sezoni në Bundesliga.

Me objektiv startin e Pep Guardiola-s në sezonin 2015/16, skuadra aktuale bavareze po ndien mundësinë për të vendosur një rekord të ri që mund të përcaktojë të gjithë kampionatin.

Bayern-i i sezonit 2025/26 e nisi sezonin në formë magjepsëse. Të fitoje 8 ndeshjet e para të Bundesliga-s me një golaverazh +26 nuk ishte arritur kurrë më parë.

Megjithatë, rekordi i përgjithshëm për më shumë fitore radhazi në fillim të një sezoni qëndron ende në 10 fitore, dhe ishte pikërisht Guardiola — që drejtoi Bayern-in nga viti 2013 deri në 2016 — dhe në atë seri spektakolare.

Në mënyrë të pabesueshme, duke krahasuar 42 ndeshjet e Kompany në stolin e Bayern-it me 102 ndeshjet që Guardiola zhvilloi gjatë kohës së tij në Gjermani, të dy trajnerët kanë mesataren e njëjtë të pikëve për ndeshje: 2.52 për ndeshje

Megjithatë, kur trajneri aktual i Manchester City-t kishte drejtuar po aq ndeshje sa Kompany, spanjolli qëndronte përpara nxënësit-rivalit belg.

Pas 42 ndeshjeve të para në Bundesliga, skuadra e Kompany-t ka mbledhur 106 pikë (33 fitore, 7 barazime, 2 humbje).

Ndërsa Guardiola, pas të njëjtit numër ndeshjesh, kishte 110 pikë (35 fitore, 5 barazime, 2 humbje).

Kërkohet një përpjekje kolosale që Bayern i Kompany të arrijë javën e 10-të me fitore në çdo ndeshje, sidomos kur sheh që kampionët në fuqi do të përballen në shtëpi me Bayer Leverkusen, që nuk ka humbur asnjë nga 37 ndeshjet e fundit jashtë fushe në Bundesliga.

Pas kësaj, i pret një udhëtim i vështirë drejt Union Berlin në javën e 10-të. Nëse arrijnë të kapërcejnë këto pengesa, Bayern i sotëm duhet të ketë parasysh edhe golaverazhin që kishte ekipi i Guardiola-s (+29).

Është një sfidë magjepsëse — dhe megjithëse ndoshta jo përparësia kryesore, duke qenë se objektivi mbetet mbrojtja e titullit — do të ishte një arritje me të cilën Kompany dhe skuadra e tij do të ndiheshin krenarë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.