.png)
Nga Gazeta ‘SI’ – Në një vit, në Shqipëri janë kryer rreth 2 mld dollarë transferta me kriptovaluta.
Raporti i fundit i Chainalysis tregon se transaksionet e kriptove në vendin tonë janë ulur me rreth 40% në periudhën 2024-2025. Në periudhën 2023-2024, kjo vlerë ishte 3 mld dollarë për Shqipërinë, ndërsa për vitin 2021-2022, 1.5 mld dollarë. Në raportin 2022-2023, Shqipëria nuk përfshihej.
Vendet e rajonit raportojnë qarkullim më të lartë të kriptomonedhave, me Serbinë që shkon deri në rreth 7 mld dollarë.
Chainalysis llogarit se Rusia është “mbreti” i kriptomonedhave në Europë, me një volum transaksionesh prej 376.3 mld dollarë në një vit. vendin e dytë e mban Mbretëria e Bashkuar, me diferencë të thellë nga Rusia, 273.2 mld dollarë.
Për herë të parë Europa ia ka kaluar edhe SHBA-së në terma absolutë. Në një vit Europa ka qarkulluar 2.6 triliardë dollarë kripto, ndërsa Amerika, 2.2 triliardë. Raporti thotë se Europa ka konsoliduar bazën e përdorimit të kriptove, duke prekur edhe institucionet, proces ku SHBA është ende në hapat e parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
