.png)
Nga Gazeta Si – Sipas raportimeve të TV gjerman, Barcelona është një nga klubet që po shfaqin interes për sulmuesin e Hoffenheim-it, Fisnik Asllani.
Më herët është raportuar se 23-vjeçari ka një klauzolë lirimi në kontratën e tij me klubin nga Sinsheim dhe tashmë po planifikon hapin e radhës në karrierë gjatë verës së 2026.
Kushti kryesor është që klubi i tij i ardhshëm të luajë në Champions League. Barcelona thuhet se është ndër ekipet e interesuara për sulmuesin e Kosovës, në një kohë kur e ardhmja e Robert Lewandowski-t mbetet e pasigurt.
Vetë Asllani ka deklaruar më parë se është ëndrra e tij të luajë për klubin katalanas. Pas rikthimit nga një huazim i suksesshëm te Elversberg në Bundesliga 2, Asllani ka pasur ndikim të menjëhershëm te Hoffenheim.
Në 7 ndeshje këtë sezon, 23-vjeçari ka shënuar 5 gola dhe ka dhënë dy asist, duke qenë golashënuesi më i mirë i ekipit.
Forma e tij e shkëlqyer është reflektuar edhe te përfaqësuesja e Kosovës, ku ka luajtur një rol të rëndësishëm në mbajtjen gjallë të shpresave për kualifikim në Botëror.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
