.png)
Nga Gazeta Si – Ashtu sic pritej, atmosfera që rrethon sfidën Serbi vs. Shqipëri nuk është aspak e qetë.
Gjithcka filloi mbrëmjen e kaluar, kur fillimisht, forca të shumta policie u shfaqën në rrugët e Nishit dhe Leskovcit.
Të cilat vazhdojnë të jenë të pranishme edhe sot. Ndërkohë organizatorët “harruan” të vendosnin flamurin shqiptar në tribunën e stadiumit ku mund të gjeje cdo flamur tjetër të mundshëm.
Pas protestës së delegacionit kuqezi, flamuri kuqezi u vendos sot në vendin e tij me justifikimin se – “organizatorët donin të evitonin cdo incident të mundshëm nga tifozët vendas”.
Një shqetësim i qënësishëm po të shohim se ambjentet rreth hotelit ku qëndrojnë kuqezinjtë dhe ato rreth stadiumit, janë mbushur me adezivë të ngjitur ku shfaqet harta e Kosovës me flamurin serb sipër saj.
Pavarësisht përpjekjeve të organizatorëve dhe FSHF, konfirmohet edhe një herë se ndasitë mes dy tifozërive vazhdojnë të jenë të theksuara.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
