.png)
Gazeta Si – Një 56-vjeçar, banues në Fier, u arrestua nga Policia Kufitare e Muriqanit, pasi ishte shpallur në kërkim ndërkombëtar nga autoritetet italiane.
Gjatë kontrolleve të shtuara në hyrje të territorit shqiptar dhe pas shkëmbimit të informacionit me Interpol Tiranën, u arrestua Spartak Joanu.
Sipas policisë, 56-vjeçari rezulton i dënuar nga Gjykata e Apelit në Ankona, Itali, me 16 vjet e 4 muaj burg, për veprat penale “Grup kriminal në trafikimin e lëndëve narkotike” dhe “Grup kriminal me qëllim shfrytëzimin e prostitucionit”, sipas legjislacionit penal italian.
Interpol Tirana, në bashkëpunim me Interpol Romën, po ndjek procedurat për ekstradimin e 56-vjeçarit drejt Italisë, ku do të vuajë dënimin e dhënë nga drejtësia italiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
