Dita e të vërtetës për kuqezinjtë në Leskovc

Grupi E:
Mikel Merino realizoi një tregolësh ndërsa Spanja shoëroi fitoren 3-0 ndaj Bullgarisë me një tjetër triumf 6-0 ndaj Turqisë, duke ngritur sërish pyetjen e zakonshme:

Kush mund ta ndalë skuadrën e Luis de la Fuente-s? Gjeorgjia do të jetë skuadra e rradhës që do të përpiqet të japë përgjigjen, ndërsa Turqia synon të rikthehet në rrugën e duhur ndaj Bullgarisë, e cila ende nuk ka asnjë fitore dhe nuk ka shënuar asnjë gol.

Grupi F:
Falë golit të 39 të Cristiano Ronaldo-s në eleminatoret e Kupës së Botës – dhe golit vendimtar të João Cancelo-s ndaj Hungarisë, Portugalia hyn në javën e shtatë me dy fitore në dy ndeshje në Gr F.

Ndërkohë Republika e Irlandës është ende në kërkim të fitores së parë pas humbjes ndaj Armenisë. Skuadra e Iegishe Melikian udhëton drejt Budapestit me moral të lartë si rezultat i atij suksesi.

Grupi I:
Norvegjia ka shënuar 24 gola në pesë fitore në Gr I – prej të cilëve 11 vetëm në ndeshjen e fundit ndaj Moldavisë – dhe kërkon ta vazhdojë këtë paraqitje sulmuese kundër Izraelit.

Italia, nën drejtimin e Gennaro Gattuso-s, ka shënuar pesë gola në secilën nga dy ndeshjet e para në Shtator, përfshirë edhe fitoren 5-0 ndaj Estonisë, që është edhe kundërshtarja e radhës në javën e 7.

Grupi K:
“Ndoshta është më mirë që ndodhi një humbje e tillë, për t’u zgjuar,” tha trajneri Dragan Stojković pas disfatës 5-0 ndaj Anglisë, të parës në këtë eleminatore për Serbinë.

Rasti i parë për të reaguar vjen ndaj Shqipërisë, që renditet e dyta në grup, ndërsa Letonia përballet me Andorrën, të cilën e mundi 1-0 në ndeshjen e pare në muajin Mars.

Raundi i 7 – 11 Tetor
K Letoni vs Andorra (15:00)
F Hungari vs Armeni (18:00)
I Norvegji vs Izrael (18:00)
F Portugali vs Republika e Irlandës
I Estoni vs Itali
E Spanjë vs Gjeorgji
E Bullgari vs Turqi̇
K Serbi vs Shqipëri

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.