.png)
Nga Gazeta Si – Kuqezinjtë fituan 2-1 ndaj Napoli-t në “San Siro” duke e kaluar në krye të klasifikimit, aty ku është edhe Roma.
Tre skuadrat kanë nga 12 pikë por kuqezinjtë kanë golevarazh +6 ndaj +5 të kampionëve në fuqi dhe +4 të kryeqytetasve.
Sfida u zhbllokua shumë shpejt, në 3-të, Pulisic kalon mbrojtjen e Napolit dhe kroson në shtyllën e dytë për Saelemaekers, i cili nuk gabon.
Kuqezinjtë mbrohen mirë ndërsa Napoli krijon pak. Në 31’ vendasit dyfishojnë kur Fofana shërbeu për Pulisic, që mposhti Meret, i ndihmuar edhe nga devijimi i Juan Jesus.
Pas pushimit u shfaq një Napoli tjetër. Estupiñán shkakton faull ndaj Di Lorenzo-s.
Arbitri akordon penallti ndërsa e verdha për Estupinian shndërrohet në të kuqe pas verifikimit në VAR.
De Bruyne realizon nga pika e bardh për dhe ringjalljen e Napoli-t.
Minutat e fundit iu pwrkasin të kaltërve, që godasin edhe një shtyllë të jashtme me Neres, por Milani reziston deri në fund.
Heroi i fitores ishte edhe një herë Pulisic që shërbeu për golin e pare dhe shënoi të dytin. Kuqezinjtë tani ëndërrojnë madhështinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
