.png)
Nga Gazeta Si – Duhej të vinte java e 5 që në Kategorinë Superiore të luhej Derbi i parë në kryeqytet. Dinamo City “udhëton” drejt “Selman Stërmasit” ku gjen vendasit e Tiranës në të parën sfidë pas më shumë se 1 viti në impantin kryeqytetas.
Futbolli rimori shtëpinë e tij e cila ishte kthyer në arenë koncertesh për një periudhë të gjatë kohore, por kthimi aty është në krizë të plotë për vendas dhe miq.
Katër javë për 1 fitore dhe 6 pikë sëbashku, konfirmojnë zhdukjen e kryeqytetit nga pjesa e sipërme e klasifikimit.
Vendas dhe miq duan fitoren, por kriza psikologjike dhe mungesa e rezultateve mund të ndikojnë shumë.
Paralelisht sot në orën 16:00, Bylis pret Partizanin, gjithashtu në krizë goli, pasi loja e të kuqve nuk ka munguar.
Pas dy barazimeve të bardha, fillimisht ndaj Tiranës në shtëpi dhe Dinamo City-t në kryeqytet, Bylis dhe Josa duan fitoren ndaj të kuqve në shtëpi.
AF Elbasani-Teuta është sfida që ul siparin e të shtunës në “Elbasan Arena”, atje ku vendasit kërkojnë vazhdimin e serisë pozitive për tu shkëputur nga ndjekësit.
Të dielën në mbrëmje (ora 19:00) mbyllet kjo javë me ndeshjet Vllaznia-Vora dhe Flamurtari-Egnatia.
Në “Loro Boriçi” zbresin dy skuadra të barabarta (me nga 7 pikë) që duan shkëputjen nga njëra-tjetra.
Ndërsa në kampionët në fuqi kanë një transfertë delikate ndaj kuqezinjve që janë larg pretendimeve të bujshme në startin e sezonit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
