.png)
Nga Gazeta Si – UEFA drejt votimit për përjashtimin e Izraelit nga garat evropiane.
Britanikja “The Times” raportoi se një shumicë brenda UEFA-s tani mbështet përjashtimin e Izraelit, me një votim që pritet të zhvillohet javën e ardhshme.
Sipas saj, muajin e kaluar disa klube evropiane i kërkuan UEFA-s të gjente një mënyrë për të shmangur përballjet me skuadrën Maccabi Tel Aviv, përfaqësuesen e vetme të Izraelit në Europa League.
Kjo, sipas “The Times”, përshpejtoi diskutimin e pezullimit të Izraelit dhe çështja pritet të hidhet në votim.
Ky raportim përkon me një deklaratë të Departamentit të Shtetit të SHBA, i cili tha se Presidenti amerikan Donald Trump dhe Sekretari i Shtetit, Marco Rubio kishin ndërhyrë pranë UEFA-s dhe FIFA-s për të parandaluar përjashtimin e ekipeve izraelite.
Trump theksoi se “kjo është e papranueshme për të” dhe se po lufton që sporti izraelit të mbetet pjesë e garave ndërkombëtare.
Duhet theksuar se deklarata amerikane përmendte vetëm ekipin kombëtar të Izraelit në kontekstin e Kupës së Botës, por nuk iu referua UEFA-s, Europa League apo Maccabi Tel Aviv.
Sipas “The Times”, UEFA po citon precedentët e pezullimit të Rusisë pas pushtimit të Ukrainës në vitin 2022, kur klubet dhe kombëtarja ruse u përjashtuan nga garat evropiane dhe ende nuk janë rikthyer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
