.png)
Gazeta Si – Një automjet luksoz tip “Ferrari”, me vlerë rreth 600,000 euro, është sekuestruar nga policia si pjesë e hetimeve për pasuri të përfituara nga trafiku i lëndëve narkotike.
Drejtuesi i makinës, Eri Vraja 33 vjeç, i dënuar më parë në Turqi për trafik droge, dyshohet se e kishte përfituar automjetin nga veprimtaria kriminale.
Hetimet zbuluan se automjeti ishte regjistruar në emër të S.L., 36 vjeç, për të shmangur gjurmimin, ndërsa sjelljen e tij në Shqipëri e kishte kryer A.L., 35 vjeç., për llogari të Eri Vrajas.
Operacioni “Red”, i realizuar nga Seksioni për Hetimin e Pastrimit të Parave dhe Aseteve në bashkëpunim me Forcën e Posaçme “Shqiponja”, ka çuar në nisjen e procedimeve penale për tre të përfshirët.
Hetimet vazhdojnë për identifikimin dhe sekuestrimin e pasurive të tjera të lidhura me veprimtarinë kriminale të E.V. dhe afërmve të tij në Turqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
