.png)
Gazeta Si – Një 41-vjeçar, punonjë i burgut të Fierit, është arrestuar në Vlorë, pasi u kap me lëndë narkotike në automjetin që drejtonte.
Policia tha se në pranga është vënë Ervis Vulo, i cili u ndalua teksa lëvizte me një automjet tip “Hyundai”, brenda të cilit u gjet një sasi kokaine dhe kanabisi sativa, të ndarë në 4 ambalazhime plastike.
Sipas policisë së Vlorës, ai do ta shiste lëndën narkotike në qytetin bregdetar. Siç shihet edhe nga pamjet e publikuara nga policia, drogën e kishte fshehur mes dy sediljeve.
Policia thotë se i ka referuar materialet në Prokurorinë e Vlorës për veprën penale “Prodhimi dhe shitja e narkotikëve”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
