.png)
Nga Gazeta ‘SI’ – Në mbyllje të sezonit veror, admnistrata Tatimore u ka kujtuar shqiptarëve se të ardhurat nga banesat AirBnB duhet t’i deklarojnë tek DIVA, Deklarimi Vjetor i të Ardhurave, si subjekt i tatimit 15%.
Tatimet theksojnë se individët që shfrytëzojnë asetet e tyre të patundshme nuk kanë nevojë të hapin një NIPT.
“Kur qeramarrësi (paguesi i të ardhurave) është një person i paregjistruar, si në rastin e turistëve vendas apo të huaj, ju si përfitues i të ardhurave, jeni i detyruar të deklaroni dhe të paguani në organin tatimor, tatimin në burim jo më vonë se data 20 e muajit që pason muajin në të cilin është kryer pagesa”, shpjegon DPT.
Në fillim të këtij viti, drejtoria e Tatimeve nisi një investigim mbi individët që lëshojnë banesat e tyre me qira afatshkurtër, në bashkëpunim me Holandën, atdheun e platformës AirBnB.
Sipas njoftimit të Tatimeve, administrata po bashkëpunon me homologë holandezë e irlandezë për monitorimin e qytetarëve që përfitojnë të ardhura nga platformat Booking dhe Airbnb.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
