.png)
Një aksident i rëndë me pasojë vdekjen ka ndodhur këtë të martë rreth orës 12:20, në autostradën Fier-Lushnjë, në zonën e njohur si “Kryqëzimi i Vajkanit”.
Dy automjete, njëra e drejtuar nga një 30-vjeçare dhe tjetra nga një 60-vjeçare, u përplasën, duke lënë fillimisht tre të lënduar, të cilët u transportuan tek Spitali Rajonal Fier.
Si pasojë ka ndërruar jetë shoferja 60-vjeçare, ndërsa të tjerët ndodhen jashtë rrezikut për jetën. Grupi hetimor po punon për zbardhjen e rrethanave të këtij aksidenti.
“Rreth orës 12:20, në vendin e quajtur “Kryqëzimi i Vajkanit”, automjeti me drejtues shtetasin J. M., është përplasur me automjetin me drejtuese shtetasen L. M., 30 vjeçe, banuese në Laç. Si pasojë e përplasjes ka ndërruar jetë pasagjerja në automjetin që drejtohej nga shtetasja E. M., shtetasja M. K., rreth 60 vjeçe, si edhe kanë shkuar në spital për të kryer ekzaminimet, drejtuesja e automjetit dhe 2 pasagjerët e tjerë, të cilët ndodhen jashtë rrezikut për jetën”, – njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
