.png)
Nga Gazeta Si – Pjesë e dytë e dominuar nga kuqezinjtë të cilëve ju mungoi vetëm goli. Broja i shndërruar në krahun e djathtë, fitoi çdo duel me kundërshtarin por krosimet e tij, herë nuk arriheshin nga kuqezinjtë e herë ishin më të forta seç duhet.
Nën mbështetjen e tifozërisë, Shqipëria kishte kontrollin e topit dhe ishte kërkuese në çdo aksion për golin e dytë.
Rastin më të mirë e pati Gjimshiti por Kapiteni konfirmoi se është vetëm një mbrojtës, kur në zonën e vogël të penalltisë, e çoi topin jashtë kuadratit. Nedim Bajrami provoi nga distanca por konkluzioni i tij u ndal nga Zviedris.
Me kalimin e minutave, loja pësoi rënie të ritmit, diçka e kuptueshme për shkak të ezaurimit fizik të lojtarëve.
Por ajo që ka më shumë rëndësi është menaxhimi i rezultatit dhe aksioneve të kundërshtarit, i cili krijoi pak rrezikshmëri për Strakoshën.
Ashtu si në fundin e pjesës së parë dhe në fundin e të dytës, Gutkovskis provoi në zonën e rreptësisë, por gjuajtja e tij u ndal nga portiere kuqezi.
5 minuta nga fundi i kohës së rregullt, Mitaj largoi topin, pothuajse mbi vijën fatale, duke evituar golin e barazimit.
Kjo fitore në shtëpi e kombinuar me suksesin 3-0 të Anglisë ndaj Serbisë në Beograd, e kthen Shqipërinë në vendin e dytë në grup me 8 pikë.
7 më pak se Anglia kryesuese dhe 1 më shumë se Serbia që ka një ndeshje më pak. Kuqezinjtë kanë edhe golevarazh pozitiv +2 (5-3) krahasuar me atë neutral të Serbisë (4-4).
…
Prej 8 minutash po zhvillohet pjesa e dytë mes Shqipërisë dhe Letonisë në “Arena Kombëtare”.
Rezultati vazhdon të jetë 1-0, me autor Asllanin (11m) në minutën e 25.
Mbyllet pjesa e parë në “Arena Kombëtare” dhe Shqipëria shkoi në dhomat e zhveshjes në avantazhin e një goli, shumë i rëndësishëm për fatin e sfidës.
Kristjan Asllani ishte heroi kuqezi pas shndërrimit në gol të 11 metërshit që Qazim Laçi fitoi në minutën e 25, pas kalimit ë krahun e majtë krosimit që u ndal nga miqtë me dorë.
Manaj kishte një mundësi të mirë për të dyfishuar, por aksioni dhe gjuajtja e tij nga e djathta përfunduan në rrjetë të jashtme.
Pak nga Broja edhe këtë herë që konfirmon momentin e dobët të sulmuesit të Burnley-t në “Premier League”.
Një pjesë e parë e mirë nga Julian Shehu që ndeshje pas ndeshje konfirmohet Leader-i një reparti të rëndësishëm për kuqezinjtë.
25 minuta dhe një depërtim i Laçit nga e majta iu deshë kuqezinjve që të zhbllokonin rezultatin.
11 metërshi i akorduar për prekje topi me dorë u mor përsipër nga Asllani që nuk gaboi nga pika e bardhë. Portieri në të majtë dhe topi në të djathtë.
Shqipëria luan “finalen” e parë për në Botërorin 2026 përballë Letonisë, me kuqezinjtë që kanë si detyrim vetëm fitoren.
Përballë këtij kundërshtari, Kombëtarja jonë nuk numëron asnjë fitore, por edhe asnjë humbje, me 6 takime, të cilat kanë përfunduar në barazim.
Tekniku Sylvinho ka zgjedhur që në fushë të hedhë rreshtimin 4-3-3, me në portë Strakoshën, në mbrojtje Hysaj, Ajeti, Gjimshiti dhe Mitaj. Mesfusha përbëhet nga Asllani, Laçi e Shehu, ndërsa në treshen e sulmit janë rreshtuar Broja dhe Bajrami nga krahët, të cilët mbështesin Manaj në qendër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
