.png)
Nga Gazeta Si- Një ish-punonjës policie u arrestua në Durrës me urdhër të AMP, e cila ka referuar në Prokurori materialet edhe për një punonjës tjetër policie dhe një punonjës së Agjencisë Kombëtare të Zonave të Mbrojtura.
Sipas njoftimit, është arrestuar ish-efektivi Enver Boshnjaku, banues në qytetin e Durrësit i dyshuar për veprën penale “Ndërtim i Paligjshëm” në Zonat e Mbrojtura.
Ndërsa punonjësi i policisë, Meritan Mulaj me detyrë N/Specialist për Policimin në Komunitet në Komisariatin e Policisë Tropojë, dyshohet për kryerjen e veprës penale “Shpërdorim i detyrës”, së bshku me punonjësin e Agjencisë Kombëtare të Zonave të Mbrojtura, shtetasin G.H.
Referimi i materialeve për punonjësit është kryer pasi me veprime dhe mosveprime kanë lejuar ndërtimin e një objekti dy katësh me mur guri në vendin e quajtur “Quka e Ibrahim Osës”, Bjeshkët e Pojanit, të Njësisë Administrative Tropojë, pa lejen e organeve përkatëse dhe në kundërshtim me ligjin për Zonat e Mbrojtura.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
