.png)
Gazeta Si – Një konflikt për motive të dobëta në Laç ka përfunduar me plagosjen e një 50-vjeçari me thikë dhe arrestimin në flagrancë të autorit të dyshuar.
Policia bën me dije se shërbimet e Komisariatit të Kurbinit ndërhynë mbrëmjen e djeshme, pas njoftimit për një plagosje me mjet prerës, ku u vu në pranga E.D., alias E. B., 33 vjeç, banues në Laç.
Autori dyshohet se, rreth orës 20:00 të mbrëmjes së të martës, pas një konflikti për motive të dobëta, plagosi me thikë në krah 50-vjeçarin A.H., banues në fshatin Gjormë.
Viktima u dërgua menjëherë në Spitalin e Traumës, ku po merr ndihmën e nevojshme mjekësore dhe ndodhet jashtë rrezikut për jetën.
Policia ka sekuestruar thikën e përdorur në ngjarje, ndërsa materialet procedurale i janë referuar Prokurorisë së Lezhës për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
