.png)
Gazeta Si – Më shumë se një e treta e skuadrave të futbollit që marrin pjesë në Premier League, kampionatin kryesor anglez i futbollit për meshkuj, janë nga Londra: Arsenali, Brentford, Chelsea, Crystal Palace, Fulham, Tottenham Hotspur dhe West Ham.
Të tjerat, si Queens Park Rangers dhe Millwall luajnë në divizionin e dytë dhe gjithsej në ligat profesionale janë 17 skuadra nga kryeqyteti anglez, të cilave u shtohen edhe ato të zonës përreth si Watford (nga qyteti me të njëjtin emër që është 25 kilometra larg qendrës së Londrës).
Është një proporcion i pabalancuar qartë në krahasim me kryeqytetet e vendeve të ligave të tjera kryesore evropiane.
Roma ka dy ekipe në Serinë A (Roma dhe Lazio); Madridi ka tre në La Liga (Real, Atlético dhe Rayo Vallecano, plus Getafe që është pjesë e zonës metropolitane); Parisi ka vetëm Paris Saint-Germain në Ligue 1 dhe dy ekipe të tjera (Paris FC dhe Red Star) në nivelin e dytë; Berlini gjithashtu ka vetëm një skuadër në Bundesligë, Unionin, që kur Hertha ra nga liga në vitin 2023.
Megjithatë, nuk është shumë e habitshme nëse merret parasysh se Londra ka pothuajse 9 milionë banorë nga 57 gjithsej në Mbretëri të Bashkuar, pra pak më pak se një e gjashta dhe shtrihet në një zonë shumë të madhe (në fakt, ka edhe shumë shumë futbollist të fortë të lindur dhe rritur në Londër).
Një veçori e 17 skuadrave aktuale profesionale londineze, është se asnjëra nuk quhet “Londër” ose nuk ka fjalën “London” në emrin e tyre, megjithëse kohët e fundit, West Ham e shtoi atë në stemën e tij dhe Chelsea shtoi akronimin LDN në logo alternative.
Në fund të fundit, të gjithë këto klube kanë lindur midis fundit të shekullit të 19-të dhe fillimit të shekullit të 20-të si ekipe të lagjeve dhe janë ende mjaft të rrënjosura në zonat e tyre përkatëse, pavarësisht se më të mëdhenjtë tani janë ekipe të globalizuara të mbështetura në të gjithë botën.
Më i vjetra është Fulham, i cila u themelua në 1879 dhe që nga viti 1896 ka luajtur ndeshjet e tij në shtëpi në “Craven Cottage”, i ndërtuar në vitin 1780 si një shtëpizë gjuetie nga fisniku anglez, William Craven.
Stadiumi më i vjetër në Premier League, megjithatë, është “Stamford Bridge”, i cili ndodhet rreth dy kilometra larg “Craven Cottage” dhe priti garat e atletikës së lehtë që nga hapja e tij në 1887, përpara se të bëhej terreni vendas i Chelsea-t në vitin 1905.
Megjithatë, secila prej këtyre skuadrave, edhe ato që luajnë në kategoritë më të ulëta, kanë stadiumin e tyre, një realitet shumë i rëndësishëm. Prandaj, në Londër ka dhjetëra stadiume, disa shumë të vogla, të tjera mjaft të mëdha.
Më i madhi është “Wembley”, i cili pas rindërtimit të përfunduar në vitin 2007 mund të mbajë 90 mijë spektatorë.
Gjithsesi nuk i përket ndonjë klubi, por menaxhohet nga federata dhe në fakt aty luhen të gjitha ndeshjet e kombëtares angleze dhe finalet e kompeticioneve më të rëndësishme kombëtare.
Stadiumi më i madh i një klubi është ai i Tottenham Hotspur, i ndërtuar së fundmi në vend të “Ëhite Hart Lane”-it historik: ai mund të mbajë deri në 62,850 spektatorë, 350 më shumë se sa mund të mbajë stadiumi i West Ham-it në Londër, një tjetër shumë modern dhe luksoz, i cili ishte në pronësi të tij vetëm në vitet e fundit ).
Duke marrë parasysh sa janë, mund të thuhet se skuadrat londineze nuk kanë arritur shumë sukses në përgjithësi.
Siamo stati all’Old Spotted Dog, il campo da calcio più antico di Londra e tra i più antichi di Inghilterra.
— Il Calcio Inglese (@calcioinglese) February 20, 2025
Per l’occasione abbiamo visto la partita tra Clapton Community FC e Rochester United FC.
I padroni di casa, oltre che a un forte legame con l’Italia, hanno attirato la… pic.twitter.com/ZauGFWaIuj
Në total, ato kanë fituar 21 kampionate angleze (13 për Arsenalin, 6 për Chelsean dhe 2 për Tottenham Hotspur, tre skuadrat e vetme që kanë fituar të paktën një), pra 9 më pak se qyteti i Mançesterit, i cili ka fituar 30 (20 për United dhe 10 për Cityn) dhe 7 më pak se Liverpool (28 në total: 19 Liverpool dhe 9 Everton).
Vetëm Chelsea, ndër skuadrat londineze, arriti të fitojë Ligën e Kampionëve, kompeticionin kryesor evropian, në 2012 dhe 2021.
Me 7 skuadra që luajnë në Premierligë, deri në fund të këtij sezoni do të luhen 42 derbi londinez, pra 11 për qind e 380 ndeshjeve në total të ligës.
Derbi i referohet ndeshjeve ndërmjet skuadrave nga i njëjti qytet, ose në disa kontekste nga i njëjti vend, por edhe thjesht ndërmjet ekipeve shumë rivale; edhe për shkak të shpeshtësisë me të cilën zhvillohen, jo të gjitha ndeshjet londineze perceptohen si derbi të vërtetë.
Ka disa derbi të Londrës që janë shumë më të njohur se të tjerët, shpesh për arsye të afërsisë gjeografike: më prestigjiozi është i ashtuquajturi derbi i Londrës së Veriut midis Arsenalit dhe Tottenham Hotspur.
Megjithatë, më i dashuri është ndoshta ai mes West Ham-it dhe Millwall-it, i cili quhet edhe derbi i porteve: rivaliteti mes dy skuadrave, mjaft i dhunshëm në të kaluarën, është në qendër të një filmi të famshëm për ultrasit anglezë, “Green Street Hooligans”, (Huliganët e Rrugës së Gjelbër), i publikuar në vitin 2005.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
