.png)
Nga Gazeta Si – Pas 3 fitoreve në 6 ndeshjet e fundit në “UEFA Europa Conference League” dhe 5 fitoreve në 6 ndeshjet e fundit në shtëpi në të gjitha kompeticionet, Vikingur Reykjavik është favorite në letër ndaj Vllaznisë për shkak të faktorit fushë.
Ndërkohë kuqeblutë nga Shkodra që kanë 3 fitore në 6 ndeshjet e fundit provojnë të përmirësojnë rekordin në transfertë ku kanë barazuar në 3 nga 6 të fundit.
Vikingur Reykjavik ka shënuar 2+ gola në 5 nga 6 të fundit në shtëpi në “UEFA Europa Conference League”. Ndërsa Vllaznia ka kontribuar për 2.5 gola ose 67% në 6 ndeshjet e fundit të saj. Ndeshja e parë e zhvilluar në Shkodër përfundoi 2-1 për kuqeblutë.
– Dinamo pret AC d’Escaldes në “UEFA Europa Conference League” pas fitores 2-1, javën e shkuar dhe kërkon fitoren e 4 në 7 të fundit në shtëpi.
AC d’Escaldes ndërkohë ka pësuar 3 humbje në 5 ndeshjet e fundit në kampionat dhe u mposht në shtëpi në ndeshjen e parë për turin e dytë kualifikues.
Në letër, blutë kryeqytetas janë favoritë për tu kualifikuar në turin e tretë.
– Egnatia dhe Dinamo Minsk do të përballen në “Arena Egnatia” dhe vendasit rregjistrojnë 2 fitore në 3 ndeshjet e fundit në kampionat ndërsa Dinamo Minsk humbi 4 nga 6 ndeshjet e fundit.
Në shtëpi vendasit kanë 3 barazime në 540 minutat e fundit. Ndërsa miqtë humbën 3 transfertat e fundit në rradhë në “UEFA Europa Conference League”.
Statistikat favorizojnë Egnatia-n që mundi 0-2 Dinamo-n në Minsk, 7 ditë më parë.
– Floriana pret Ballkani-n në “UEFA Europa Conference League” në “Gozo Stadium” dhe do provojë të shfrytëzojë serinë e 3 fitoreve në 6 ndeshjet e fundit në të gjitha kompeticionet, 67% të 3 ndeshjeve të fundit të “UEFA Europa Conference League” në shtëpi.
Nga ana tjetër Ballkani, që ka një rekord prej 60% fitore në “UEFA Europa Conference League” kërkon fitoren e 3 në po kaq transferta në kompeticion. Në sfidat direkte, Floriana u mund 4-2 një javë më parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
