.png)
Nga Gazeta Si – Bayern zyrtarizoi sot firmosjen e kontratës me sulmuesin kolumbian Luis Díaz nga Liverpool për 4 vitet e ardhshme. Mbërritja e 28 vjeçari te kampionët e Gjermanisë është një përforcim i rëndësishëm pas largimeve të Leroy Sané dhe Thomas Müller si dhe dëmtimit të Jamal Musiala’s.
Për Drejtorin e Përgjithshëm, Jan-Christian Dreesen – “Luis Díaz është një nga lojtarët më të mirë në krah të Premier League që do të sjellë cilësi të nevojshme për fitimin e trofeve madhorë në Mynih”.
Gjatë 3 viteve e gjysëm, Díaz në ishull fitoi Premier League, FA Cup dhe League Cup me fanellën e Liverpool ku u transferua nga Porto në Janarin e vitit 2022.
“Luis Díaz është një lojtar me eksperiencë ndërkobëtare me cilësi të jashtëzakonshme, aftësi të veçanta dhe që do ta ndihmojë menjëherë skuadrën tonë” – tha Drejtori Sportiv Max Eberl.
64 ndeshje me Kolumbinë kanë treguar se futbollisti i lindur në Barrancas, shkëlqen në krahun e majtë por është në gjëndje të çmontojë mbrojtjet kundërshtare edhe nga mesfusha në qendër si sulmues i dytë.
Ai u largua si hero nga “Anfield” pasi shënoi 41 gola dhe shërbeu për 23 të tjerë në pothuajse 150 ndeshje për Reds. Díaz mund ta fitojë trofeun e parë si bavarez në “Franz Beckenbauer Supercup” ndaj Stuttgart më 16 Gusht.
“Jam shumë i lumtur, për mua do të thotë shumë që jam pjesë e Bayern – një nga klubet më të mëdhenj në Botë. Dua të ndihmoj skuadrën time të re me stilin dhe personalitetin tim.
Objektivi im është të fitoj çdo titull të mundshëm dhe ne do të stërvitemi çdo ditë si skuadër, për t’ja arritur” – ishin fjalët e para të Díaz si bavarez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
