.png)
Nga Gazeta Si – Chelsea është aktiv në merkaton në dalje me emra potencialë për tu larguar nga “Stamford Bridge” si Nicolas Jackson, Renato Veiga dhe Axel Disasi. Armando Broja ka qënë prej muajsh në këtë kategori. Dëmtime konstante që shkatërruan një karrierë premtuese dhe e detyruan të kalonte një tjetër sezon në huazim te Everton. 13 ndeshje dhe asnjë gol apo asist treguan edhe një herë se është koha që ai të zbresë një nivel dhe të fokusohet në marrjen e minutave në fushë. Në këtë moment Broja ka 4 skuadra që e ndjekin nga kontinenti dhe sigurisht destinacione potenciale për të. Në Serie A, Parma kërkon një zëvendësues pas largimit të Ange-Yoan Bonny drejt Inter-it.
Në Bundesliga, Stuttgart mund të ketë një vend të lirë nëse Nick Woltemade transferohet tek Bayern Munich. RB Leipzig është një tjetër skuadër e interesuar për sulmuesin kuqezi si zëvendësues i Sesko-s. Ndërsa në Eredivisie, PSV Eindhoven mban mend se si Broja shkëlqeu në sezonin e huazuar te Vitesse pak vite më parë. Ndaj Broja nuk duhet të zgjedhë destinacionin apo pagën, por skuadrën që do ti japë më shumë minuta në fushë, në mënyrë që ai të rigjejë formën dhe të konfirmojë talentin që nuk i mungon. Ai është vetëm 23 vjeç dhe ende në kohë për ti lënë të gjithë problemet pas, për një rifillim të ri të një karriere të suksesshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
