Gazeta Si – Policia turke arrestoi katër karikaturistë të hënën për një karikaturë të botuar në revistën satirike “LeMan”, e cila tregon një personazh të quajtur Muhamed duke shtrënguar duart me Moisiun, ndërsa raketat shfaqen pas tyre, në një skenë që të kujton bombardimet e fundit midis Iranit dhe Izraelit.
Lajmi për arrestimet u shoqërua me protesta nga një grup myslimanësh konservatorë, të cilët akuzuan revistën për blasfemi dhe më pas u përleshën me policinë. Sipas LeMan, karikatura u keqinterpretua.
Në profilin e tij në “X”, ministri i Brendshëm turk, Ali Yerlikaya postoi katër video që tregojnë oficerë policie duke prangosur, arrestuar dhe zvarritur karikaturistët, përfshirë Dogan Pehlevan, të cilit i atribuohet vizatimi, nga shtëpitë e tyre.
Peygamber Efendimizin (S.A.V) karikatürünü yaparak nifak tohumları ekmeye çalışanları bir kez daha lanetliyorum.
— Ali Yerlikaya (@AliYerlikaya) June 30, 2025
Bu alçak çizimi yapan D.P. adlı şahıs yakalanarak gözaltına alınmıştır.
Bir kez daha yineliyorum:
Bu hayasızlar hukuk önünde hesap verecektir. pic.twitter.com/7xYe94B65d
Në postim, Yerlikaya e quajti karikaturën “të neveritshme” dhe karikaturistët “të paturpshëm”. Midis personave që shihen në video është edhe një nga drejtorët e revistës, i identifikuar vetëm me inicialet A. Y.
Ministri i Drejtësisë i Turqisë, Yilmaz Tunc, tha se do të nisë një hetim për shkeljet e ligjeve të vendit që ndëshkojnë nxitjen e urrejtjes dhe fyerjet publike ndaj vlerave fetare. Një total prej gjashtë personash janë në paraburgim, tha Tunc.
E themeluar në vitin 1991, “LeMan” njihet për satirën e saj politike dhe ka qenë një shënjestër e rregullt e politikanëve të krahut të djathtë dhe konservatorëve fetarë, të cilët kritikuan mbështetjen e saj për revistën franceze “Charlie Hebdo” pas një sulmi terrorist në janar 2015 që vrau 12 persona.
Leman’ın önünde toplanan kalabalık grup, güvenlik güçlerine saldırı gerçekleştiriyor. Barışçıl protesto yasal haktır. Fakat burada polise ve vatandaşa açık bir şiddet söz konusu. Saraçhane mitinglerinde 18-24 yaş arası gençler gözaltına alınmıştı. Bu şahıslar hakkında da gözaltı… pic.twitter.com/oW2s5txkmU
— Av. Cemil Çiçek (@avcemilcicek71) June 30, 2025
Rreth 250 myslimanë konservatorë u mblodhën jashtë një kafeneje të frekuentuar nga stafi editorial i revistës dhe nën selinë e saj në Stamboll të hënën në mbrëmje për të protestuar kundër karikaturës, me video të shpërndara në internet që tregonin disa prej tyre duke u përpjekur të thyenin derën e përparme.
Pati përleshje me policinë, e cila qëlloi me plumba gome dhe përdori gaz lotsjellës për të shpërndarë protestuesit. Faqja e internetit e revistës aktualisht nuk është e disponueshme.
Në një deklaratë, “LeMan” u kërkoi falje lexuesve që e gjetën karikaturën fyese, por tha se ishte keqinterpretuar qëllimisht për të krijuar trazira.
Hadsiz derginin grafikeri C.O. adlı şahıs da yakalanarak gözaltına alındı.
— Ali Yerlikaya (@AliYerlikaya) June 30, 2025
Sevgili Peygamberimize (S.A.V.) yönelik gerçekleştirilen bu alçaklık hukuk önünde hak ettiği cezayı görecektir. pic.twitter.com/deWsbRWPFi
Qëllimi i Pehlevan ishte të tregonte “vuajtjet e një myslimani të vrarë në sulmet izraelite”, jo të ofendonte Islamin apo Profetin Muhamed, tha “LeMan”.
Kryeredaktori Tuncay Akgun i tha gjithashtu agjencisë “France-Presse”, se karikatura “nuk ishte aspak një karikaturë e Profetit Muhamed” dhe vuri në dukje se më shumë se 200 milionë njerëz në botën myslimane quhen Muhamed.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
