Nga Gazeta ‘SI’ – Më shumë se 230 mijë netë qëndrime u regjistruan në Shqipëri gjatë muajit janar, me rritje 36% nga një vit më parë. Netë qëndrimet e të huajve u rritën me 49%, raporton INSTAT dhe 19% për vendasit.
Numri total i vizitorëve ishte 120 mijë për janarin, me rritje vjetore 27%. Jorezidentët kishin rritjen më të fortë, me 41%, por edhe rezidentët u rimëkëmbën me 12%.

INSTAT tregon se 21% e të huajve që vizituan vendin tonë ishin nga Italia, 18% nga Kosova dhe 6% nga Gjermania e Mbretëria e Bashkuar.
Zonat jo-bregdetare ishin më të preferuarat për vizitorët. Akomodimet në hotele dhe strukturat e ngjashme u rritën me 38% për janarin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.