.png)
Nga Gazeta ‘SI’ – Njësoj si në janar, edhe në shkurt inflacioni në vend raportohet 1.9%. Një vit më parë, ky tregues ishte 2.6%.
Sipas INSTAT, rritjen më të madhe të çmimeve e ka shënuar grupi i argëtimit dhe kulturës, që në raport vjetor është rritur me 6.5%, ndjekur nga pijet alkoolike dhe duhani me 4.5%. Mobiljet janë shtrenjtuar me 3.6% dhe ushqimet me 2.8%. Brenda grupit të ushqimeve çmimet e nëngrupit “mish” patën një rritje me 4%, pasuar nga nëngrupet “zarzavate përfshirë patatet” me 3.2 %, “qumësht, djathë dhe vezë” me 2.8 %.
Çmimet e grupit energji, ujë dhe qira janë rritur me vetëm 0.4% në shkurt, llogarit INSTAT.
Nga një vit më parë çmimet e karburantit janë ulur me 2.2%.
Në raport mujor, nga janari në shkurt, rritjen më të fortë të çmimeve e ka patur grupi i ushqimeve e pijeve joalkoolike dhe argëtimi me 0.9% respektivisht. Nga janari në shkurt, çmimet për grupin e energjisë dhe qirasë janë ulur me 0.3%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
