Traineri i Everton ishte përpara medias për sfidën ndaj Wolverhampton ku foli edhe për situatën e dëmtimeve në skuadër. E natyrisht që interes ka pasur për sulmuesin kuqezi, Armando Broja të cilin pritej që Sylvinho ta grumbullonte për ndeshjet e këtij muaji përballë Anglisë në “Wembley” (21 Mars) dhe Andorra-s në “Arena Kombëtare” (24 Mars). Lajmet mund të konsiderohen “inkurajuese” pas pjesëmarrjes në turin stërvitor që Everton zhvilloi në Emiratet e Bashkuara Arabe.
“Ka filluar të stërvitet dhe po integrohet gradualisht por nuk ka ende formën e duhur fizike. Mund të them se pas ndërprerjes për kombëtaret është koha më e mirë për tu kthyer në dispozicion. Ka shanse minimale për të qënë gati javën e ardhshme por nuk dua të rrezikojnë dhe do të ndjek sugjerimet e stafit mjekësor. Nëse do të ishte për mua, do ta aktivizoja vetëm pas ndeshjeve ndërkombëtare” – u shpreh Moyes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
