.png)
Nga Gazeta ‘SI’ – Vetëm në muajin janar, shqiptarët kanë shpenzuar 177 milionë lekë për sigurimin e pronës nga zjarri apo tërmetet. Nga janari i 2024-s, kjo shifër është rritur me 6%. Përkthyer në kontrata, për këtë zë janë nënshkruar më shumë se 5 mijë të tilla.
Sipas shpjegimit që japin ekspertët e tregut, interesi për këtë lloj sigurimi nuk vjen nga ndërgjegjësimi për rrezikun e pronës, por nga detyrimi që vendos banka për kredimarrësit.
Ndërkohë, AMF tregon se dëmshpërblimet e kompanive të sigurimit për dëmtime të pronës janë reduktuar me 60% nga janari i shkuar dhe kanë paguar vetëm, 21 milionë lekë nga 52 milionë.
Në total, për janarin, kompanitë e sigurimit në vend arkëtuan 1.9 miliardë lekë me rritje të qëndrueshme prej 11%. Tregu vazhdon të dominohet nga sigurimet e detyrueshme, siç janë ato motorike, me vlerë 1.1 mld lekë.
Dy vite më parë, qeveria hodhi idenë e një sigurimi të detyrueshëm për pronën dhe u përball me shumë kundërshti. Ideja e qeverisë u mbështet dhe nga Banka Botërore, por diskutimet mbi draftin nuk avancuan kurrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
