Gazeta Si – Katër persona janë arrestuar në Tiranë, pasi u kapën në flagrancë duke transportuar drogë.
Sipas policisë, të rinjtë, të moshave 27, 28 dhe dy 35 vjeç, u ndaluan teksa udhëtonin me një automjet tip “Benz”, në të cilin u gjetën në bagazh 2 thasë të mbushur me kanabis me peshë totale 11 kg.
Katër të rinjtë u ndaluan në zonën e Kodrës së Diellit, ndërsa iu sekuestrua lënda narkotike, automjeti tip “Benz” me të cilin lëviznin dhe 5 celularë.
“Sektori për Hetimin e Narkotikëve, në bashkëpunim me Sektorin e Forcës Operacionale, të DVP Tiranë, në kuadër të një procedimi proaktiv, nën drejtimin e Prokurorisë, pas një pune hetimore tremujore, ka organizuar dhe ka finalizuar operacionin policor të koduar “Carry on”. Si rezultat i këtij operacioni u arrestuan shtetasit: J. M, 27 vjeç dhe J. M., 35 vjeç të dy banues në Tropojë; Gj. H., 28 vjeç dhe O. I., 35 vjeç, të dy banues në Tiranë”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
