Gazeta Si – Një sasi tritoli ka shpërthyer në Orikum në orët e para të mëngjesit të kësaj të marte. Shpërthimi ka ndodhur rreth orës 03:15, në qytetin e Orikumit, në një ngushticë pas një pallati.
Si pasojë janë dëmtuar dy xhama të pallatit në katin e parë. Shenjat nga shpërthimi janë ende të freskëta në vendngjarje. Një tubacion i çarë i ujit dhe gjithashtu xhama të thyer gjenden përtokë.
Sipas informacioneve, një person i vetëm i maskuar ka vendosur tritolin dhe është larguar. Nga shpërthimi ka pasur vetëm dëme materiale.
Në vendngjarje ndodhet grupi hetimor, i cili vijon punën për zbardhjen e rrethanave të ngjarjes dhe identifikimin e autorit/ëve të dyshuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
