.png)
“Daytona 500 – Gara më e Madhe Amerikane” është më shumë se një etapë në kalendarin e “NASCAR Cup Series”, është një paradë e historisë së motorsport, dramë e momenteve të paharrueshme. Legjenda të tilla si Richard Petty dhe Dale Earnhardt kryen ndër vite përmbysje të mëdha duke e vendosur “Daytona 500” në historinë e sportit ndërkombëtar. Në vazhdim do të sjellim 3 edicione që veçohen më shumë se të tjerët:
Diferenca më e vogël
Gara e vitit 2016 shënoi një nga momentet më të mëdha në “Daytona 500” kur fitorja e Denny Hamlin ndaj Martin Truex Jr. u vendos nga një diferencë prej 0.010 sekondash. Diferenca më e ngushtë në historinë e “Daytona 500” përshkruar nga drama e duelit në një ditë krenarie për pistat e shpejtësisë.
Fotofinish
Viti 2007 në “Daytona 500” prodhoi një tjetër finish elektrizues në historinë e garave kur Kevin Harvick la pas Mark Martin me 0.020 sekonda. Sukses sinjifikativ për Harvick që arriti fitoren e parë në “Daytona 500” duke mos e lejuar 48 vjeçarin Martin të bëhej i pari fitues që rikthehej pas tërheqjes nga garat.
Baba e bir në dy vendet e para
Ajo çka ndodhi në vitin 1988 vështirë se mund të përsëritet në historinë e “Daytona 500” në garat NASCAR. 50 vjeçari Bobby Allison dueloi me djalin e tij Davey duke e mbyllur garën në dy vendet e para. Gara shënoi fillimin e një Epoke me shpejtësinë e reduktuar prej 16 milje/orë pas shpejtësisë së Ken Schrader në pole position prej 193.823 milje/orë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
