Policia e Matit ka vënë në pranga 18-vjeçarin, i cili një ditë më parë plagosi me mjet prerës një 17-vjeçar në ambientet e shkollës së mesme në fshatin Baz.
Ngjarja ndodhi dje pas një konflikti të çastit kur adoleshenti plagosi 17-vjeçarin, i cili vijon të jetë në kujdesin e mjekëve, në gjendje jashtë rrezikut për jetën.
Gjatë veprimeve të para hetimore lidhur me këtë ngjarje, rezultoi se dy adoleshentët e përfshirë në sherr nuk kanë pasur konflikte të mëparshme.
Shtetasi D. L., 18 vjeç, banues në Laç, akuzohet për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”. Ky shtetas dyshohet se pas një konflikti të çastit ka plagosur me mjet prerës (thikë), një 17-vjeçar, i cili vijon të jetë në kujdesin e mjekëve, në gjendje jashtë rrezikut për jetën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
