.png)
Nga Gazeta ‘SI’ – Inflacioni në muajin e parë të vitit u rrit me 1.9%, duke qëndruar poshtë objektivit 3% të Bankës së Shqipërisë.
INSTAT raporton se grupi i ushqimeve dhe pijeve joalkoolike, bashkë me pajisjet shtëpiake kanë pasur ndikim më të madh në inflacion gjatë janarit, por rritja më e fortë e çmimeve raportohet për grupin “argëtim dhe kulturë”, me 5.7% dhe grupin e duhanit e pijeve alkoolike me 3.9%.
Çmimet e ushqimeve u rritën me 2.6% në janar dhe rritjen më të fortë e kishte produkti i mishit me 4%, ndjekur nga bulmeti dhe vezët me 3.3%.
Në mesin e vitit 2024 inflacioni në vend ka pasur një tendencë rënëse dhe si pasojë nxiti Bankën e Shqipërisë të lehtësojë politikën monetare të saj. BSH nuk parashikon rritje të inflacionit në periudhën afatmesme dhe ka sinjalizuar ulje të mëtejshme të normës bazë të interesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
