Policia ka vendosur në pranga Arsen Matollarin, i cili në bashkëpunim me 26-vjeçarin Ervis Belollari ( i cili u arrestua në flagrancë ditën e djeshme) mashtruan një biznesmen duke i marrë 6 mijë euro.
32-vjeçari, banues në Durrës, u arrestua ditën e sotme, ndërsa u sekuestrua shuma prej 4700 mijë euro, si edhe mjeti me të cilin dy të rinjtë lëviznin.
“Si rezultat i kontrolleve të pandërprera, falë dhe inteligjencës policore, shërbimet e Komisariatit të Policisë Nr. 6 në vijim të operacionit policor “Unknown” bënë kapjen e ndalimin e shtetasit A. M., 32 vjeç, banues në Durrës.
Ky shtetas në bashkëpunim me shtetasin E. B (i arrestuar ditën e djeshme) kanë përfituar 6000 euro nga një biznesmen, duke iu prezantuar atij si përfaqësues të drejtuesit të një institucioni vendor”, informon policia.
Gjatë kontrollit të banesës së 32-vjeçarit, shërbimet e Policisë gjetën 4700 euro të cilët u sekuestruan në cilësinë e provës materiale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
