.png)
Gazeta Si – Portokallet dhe grejpfrutët janë të ëmbël dhe me lëng në dimër, kur kushtet e motit janë ideale për t’u pjekur.
Ushqyesit e tyre forcojnë sistemin imunitar, duke ndihmuar trupin të shërohet kur sulmohet nga viruset ose bakteret.
Vitamina C
Agrumet janë të famshme për përmbajtjen e tyre të vitaminës C. Një portokall “kërthizë” (quhet kështu, sepse brenda fshehin një tjetër portokall të vogël të ëmbël dhe pa fara), përmban 83 miligramë vitaminë C dhe gjysma e një grejpfruti të kuq përmban rreth 46. Të dy frutat mund t’ju ndihmojnë të arrini 75 deri në 90 miligramë në ditë.
Vitamina C është një lëndë ushqyese thelbësore, sepse trupi nuk është në gjendje ta prodhojë atë vetë dhe ndihmon në formimin e qelizave që përbëjnë sistemin imunitar, si dhe e ndihmon atë të kapë dhe luftojë infeksionet.
Vitamina C gjithashtu kontribuon në shërimin e plagëve dhe rritjen e indeve, kështu që mban lëkurën, muskujt dhe enët e gjakut të shëndetshme.
Kjo lëndë ushqyese ndihmon gjithashtu trupin të përthithë “hekurin jo-hem”, i cili është hekuri nga ushqimet me bazë bimore si thjerrëzat dhe spinaqi.
Ndihmon sistemin imunitar
Nuk ka asnjë provë që vitamina C mund të shërojë ftohjet dhe gripin. Marrja e vitaminës C gjatë një ftohjeje nuk do të ketë shumë efekt në shërim.
Megjithatë, marrja e dozës së rekomanduar ditore të vitaminës C rregullisht, edhe kur jeni të shëndetshëm, mund të ndihmojë sistemin tuaj imunitar të bëjë mirë punën e tij dhe kjo mund të shkurtojë kohëzgjatjen e një ftohjeje nëse nevojitet.
Një meta-analizë e vitit 2013 zbuloi se marrja e të paktën 200 miligramë vitaminë C në ditë, ju ndihmon të mposhtni ftohjen e zakonshme rreth 8 për qind më shpejt. Megjithatë, kjo analizë u fokusua në vitaminën C nga suplementet dhe jo nga agrumet.
“Sidoqoftë, është më mirë të merret vitamina C përmes të gjithë frutit, – shpjegon Stefano Erzegovesi, psikiatër dhe nutricionist, – sepse në këtë mënyrë merrni përfitime të tjera ushqyese si fibrat, të cilat janë miqësore me zorrët, ujin hidratues dhe mikronutrientë të tjerë që do nuk gjendet në tableta”.
Antioksidantë kundër inflamacionit
Inflamacioni kronik mund të rrisë rrezikun e kancerit, sëmundjeve të zemrës dhe diabetit. Vitamina C e përmbajtur në agrume, është një antioksidant që ndihmon në kufizimin e inflamacionit. Agrumet përmbajnë edhe komponime të tjera si karotenoidet, të cilat mund të veprojnë si antioksidantë. Përveç efektit në sistemin imunitar dhe përmirësimit të përthithjes së hekurit, vitamina C është e mirë për lëkurën, duke përmirësuar sintezën e kolagjenit.
Frutat e plota janë më të mira
“Pirja e lëngut të portokallit është e shëndetshme, megjithatë është një zgjedhje më e mirë për të marrë të gjithë frutin për të rritur praninë e një morie substancash që kanë një efekt sinergjik në veprimin e vitaminës C. I gjithë fruti tingëllon si një orkestër simfonike. Tableta e vitaminës C është për një e vetme. Sado i mirë të jetë solisti, efekti përfundimtar (tingulli) do të jetë shumë i ndryshëm”, sugjeron Erzegovesi.
Kur merrni lëngun e një fruti agrumesh, përfundoni duke humbur disa nga fibrat e tij të dobishme dhe duke qenë se duhen më shumë fruta për një gotë lëng, zakonisht do të konsumoni më shumë sheqer dhe kalori kur e pini atë.
Masat paraprake për grejpfrut: ndërveprim me barnat
Me grejpfrut është e nevojshme t’i kushtohet vëmendje ndërveprimit me ilaçet. Në fakt, grejpfruti, duke bllokuar një enzimë që ndihmon në metabolizimin e disa ilaçeve, krijon një efekt mbidozimi me rrezikun e efekteve anësore, madje edhe të rënda.
Kategoritë e shumta të barnave përfshihen në këto ndërveprime, duke përfshirë statinat, të përdorura për të reduktuar kolesterolin dhe imunosupresorët, thelbësorë në shumë terapi pas transplantimit.
Ilaçe të tjera të përmendura shpesh janë bllokuesit e kanaleve të kalciumit, të përdorura për trajtimin e hipertensionit dhe sëmundjeve të tjera kardiovaskulare dhe anti-aritmikët, të cilët rregullojnë rrahjet e zemrës.
Në raste të tjera, si ilaçet e zakonshme të tiroides, grejpfruti mund të ketë një efekt të kundërt, duke bllokuar përthithjen e ilaçit.
“Prandaj është e rëndësishme të pyetet mjeku, nëse marrim medikamente, për efektin e një ndërhyrjeje të mundshme me grejpfrutin, si fruta ashtu edhe lëngje”, rekomandon dietologu.
Përfitimet e fshehura në brendësi të frutit
Lëkurat e portokallit gjithashtu kanë përfitime, prandaj nuk duhen hedhur. “Ato përmbajnë aroma të shkëlqyera, fibra dhe mbi të gjitha antioksidantë ndaj rekomandoj që të mos e hidhni, por ta grini në ushqimet tuaja: edhe orizi i bardhë i thjeshtë bëhet më i shijshëm. Megjithatë, le të sigurohemi që lëvozhga të mos jetë trajtuar me aditivë” përfundon Stefano Erzegovesi.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
