Gazeta Si- Një 32-vjeçar hyri në një mobileri dhe në kërcënimin e një mjeti prerës, ka vjedhur çelësin e një automjeti, i cili ishte i parkuar në hyrje të mobilerisë.
Bgjarja ndodhi në Tiranë një ditë më parë dhe pas kallëzimit, policia identifikoi dhe kapi autorin e dyshuar, i cili është I.L., 32 vjeç, banues në Durrës.
Ditën e djeshme, ky shtetas dyshohet se ka hyrë në një mobileri dhe në kërcënimin e një mjeti prerës, i ka vjedhur një shtetasi çelësin e automjetit, të cilin e kishte parkuar në hyrje të mobilerisë.
Automjeti u gjet i braktisur në rrugën “Babë Rexha” në Tiranë dhe u sekuestrua në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
