.png)
Ndërsa madhësia e barkut të një personi rritet, qendra e kujtesës në tru fillon të zvogëlohet dhe pllakat beta-amiloide e proteinat Tau mund të shfaqen. E gjitha kjo ndodh që në të 40-at dhe 50-at e një personi, shumë përpara se të shfaqen simptomat e Alzhaimer.
Si pllakat beta-amiloide ashtu edhe proteinat Tau janë shenja të hershme drejt një diagnoze të mundshme të sëmundjes së Alzheimer. Pllakat amiloide zakonisht shfaqen fillimisht, me proteinat tau që vijnë më vonë ndërsa sëmundja përparon.
“Sa më shumë amiloid ose tau të keni në tru, aq më i sëmurë bëhet truri,” tha autori i studimit Dr. Cyrus Raji, profesor në Shkollën e Mjekësisë të Universitetit të Uashingtonit.
“Mënyra se si mund të gjurmojmë një tru me pamje më të sëmurë është rrjedhja më e ulët e gjakut,” tha Raji. “Ne pamë gjithashtu humbje të lëndës gri, në një pjesë të qendrës së kujtesës së trurit të quajtur hipokampus”.
Rrjedhja më e vogël e gjakut në qendrën e kujtesës së trurit mund të shkaktojë tkurrje, një tjetër biomarker kyç për Alzheimerin, tha neurologu Dr. Richard Isaacson, drejtor i kërkimit në Institutin për Sëmundjet Neurodegjenerative në Florida. Ai nuk ishte i përfshirë në hulumtimin e ri.
“Meqenëse studimi zbuloi këto marrëdhënie dekada përpara rënies njohëse dhe një diagnoze të pritshme, fokusi në reduktimin e yndyrës së barkut mund të jetë një nga mjetet tona më të fuqishme për të luftuar këtë sëmundje të tmerrshme,” tha Isaacson.
Obeziteti është një epidemi mbarëbotërore, sipas Organizatës Botërore të Shëndetësisë, e cila vlerëson se më shumë se gjysma e botës do të jetë mbipeshë brenda 10 viteve.
“Në mënyrë konservative, obeziteti si një faktor rreziku për çmendurinë prek të paktën 1% të të rriturve amerikanë, kështu që mbi 2 milionë individë mund të kenë demencë nga sëmundja e Alzheimerit që i atribuohet obezitetit të tyre,” tha Raji.
“Është një çështje e madhe e shëndetit publik,” tha Raji. “Ne po përpiqemi të kuptojmë se si obeziteti në moshën e mesme, në vitet 40 dhe 50, është një faktor rreziku për sëmundjen e Alzheimerit, e cila zakonisht nuk shfaqet në mënyrë simptomatike deri në vitet 60, 70 ose 80”.
Ka mënyra të zgjuara për të reduktuar yndyrën e barkut që mund t’i kthejnë këto tendenca, tha Isaacson. Së pari, mos u fokusoni vetëm në peshën e trupit, por edhe në përbërjen e trupit.
Ushtrimi është çelësi, shtoi Isaacson, por bëjeni duke ushtruar ” zgjuar, jo shumë”.
“Për të hyrë në mënyrë më efikase në modalitetin “djegia e yndyrës” dhe për të humbur yndyrën e trupit me kalimin e kohës, unë sugjeroj të bëni një shëtitje të shpejtë, me një ritëm të qëndrueshëm, duke ecur deri në të paktën 45-60 minuta, dy deri në tre herë në javë,” tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
