Nga Gazeta 'SI' - Shqipëria ka bërë përmirësime në luftën e saj kundër pastrimit të parave, duke u renditur një vend me risk të moderuar për vitin 2024, sipas Indeksit të Bazelit. Me 4.35 pikë, Shqipëria mban pozicionin e 128-të nga 164 vende në listë ku sa më i lartë të jetë pozicioni, aq më pozitiv është treguesi.
Në rajon, Maqedonia e Veriut dhe Mali i Zi kanë pozicionim më të mirë se vendi jonë.
San Marino, Islanda dhe Finlanda mbajnë vendet e para të indeksit, me një risk minimal të pastrimit të parave.
Që prej 2019-s, kur risku i pastrimit të parave në vendin tonë arriti në 6, treguesi ka pasur tendenca rënëse.
Indeksi i Bazelit, i cili publikohet që nga viti 2012, bazohet në një metodologji të avancuar që analizon 18 tregues në pesë fusha kryesore: Cilësia e kuadrit ligjor për pastrimin e parave dhe financimin e terrorizmit (65%), Ryshfeti dhe korrupsioni (10%), Transparenca dhe standardet financiare (10%), Transparenca dhe përgjegjësia publike (5%) Risqet ligjore dhe politike (10%).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
