.png)
Nga Gazeta Si- Dy shtetase kolumbiane, 20 dhe 24 vjeçe, kanë rënë në prangat e Policisë në Elbasan për ushtrim prostitucioni.
Sipas Policisë, po ashtu në pranga kanë rënë edhe dy shtetas, 25 dhe 43-vjeç, për shfrytëzim prostitucioni, pasi u kapën në banesën e kolumbianeve gjatë aksionit policor.
Ndërkohë Policia vijon punën për dokumentimin e rastit, identifikimin dhe kapjen e shtetasve të tjerë të përfshirë.
“Në kuadër të operacionit u vunë në pranga shtetaset kolumbiane A. P., 20 vjeçe dhe A. R., 24 vjeçe, për ushtrim prostitucioni. Gjithashtu, u arrestuan shtetasit A. T., 25 vjeç dhe Y. H., 43 vjeç, për shfrytëzim prostitucioni”, thuhet në njoftimin e policisë.
Bazuar në informacionet e siguruara nga inteligjenca policore, shërbimet e Policisë, në kuadër të operacionit të koduar "Fee", kanë ushtruar kontroll në këtë apartament në të cilin u konstatuan 2 shtetaset kolumbiane dhe shtetasit A. T. dhe Y. H.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
