Efekti i Covid-it të gjatë: Virusi shkakton rënie të flokëve

Covid-i i gjatë vazhdon të shfaqë aspekte të reja të cilat më së shumti manifestohen në pasoja të reja të papritura.

Kjo është rënia e flokëve, e fundit e vërejtur nga ekspertët në pacientë të shumtë që kanë marrë infeksionin.

Për të dëshmuar për atë që është thënë, siç raporton “Repubblica”, janë dy studime të botuara në revistat shkencore Lancet dhe Nature të cilat kanë nxjerrë në pah një rrezik katër herë më të madh të rënies së flokëve në muajt pas infeksionit edhe për njerëzit që nuk janë shtruar në spital.

Fabrizio Pregliasco, drejtor mjekësor i Spitalit Galeazzi-Sant'Ambrogio në Milano, mori një bilanc të situatës dhe konfirmoi se rreth 30% e njerëzve që janë sëmurë me Covid vuajnë nga kjo patologji.

“Ne mund ta përkufizojmë këtë fenomen si dëmtim akut të lëkurës së kokës, një formë alopecie, e shkaktuar nga vetë rrallimi i flokëve. Është pasojë e inflamacionit. Por, falë anti-inflamatorëve dhe kortizonit, mund të kthehet. Kemi mësuar se Covid nuk shkakton vetëm pneumoni intersticiale atipike, por mund të shkaktojë efekte të tjera, si ky për shembull, duke pasur parasysh veprimin e virusit në sistemin tonë imunitar”, përfundon Pregliasco.

Ai shpjegon se kjo nuk u ndodh të gjithëve sepse patologjitë e Covid janë të lidhura me përgjigjen imune, e cila ndryshon tek secili prej nesh.

Megjithatë, nuk ka nevojë të shqetësoheni për këtë fenomen pasi efektet negative të Covid-19 në flokë në shumicën e rasteve nuk janë të përhershme dhe humbja e flokëve ndodh në një periudhë jo të pafundme kohore. Gjithçka do të kthehet në normalitet natyrshëm, pa iu drejtuar trajtimeve specifike mjekësore.

Këshillat që duhet ndjekur sipas ekspertëve për ata që u bien flokët janë: shmangni përdorimin e pajisjeve që i ekspozojnë flokët ndaj burimeve të tepërta të nxehtësisë, eliminoni produktet kimike që mund të dëmtojnë flokët tuaj, kufizoni modelet e flokëve shumë të ngushta dhe mbi të gjitha, shmangni stresin.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.