.png)
Misioni i Fondit Monetar Ndërkombëtar në Tiranë pati një vizitë me Guvernatorin e Bankës së Shqipërisë, Gent Sejko.
Gjatë vizitës, ndër të tjera FMN theksoi nevojën e ndjekjes së një kursi të lirë këmbimi, si formë e amortizimit të goditjeve.
Sejko gjatë diskutimit, theksoi rëndësinë e ndjekjes së politikave të kujdesshme e të koordinuara monetare, fiskale e financiare dhe u shpreh se ekonomia e vendit ka përjetuar një periudhë pozitive.
Duke u ndalur në ecurinë e sektorit bankar, Guvernatori u shpreh se kredia për sektorin privat ka vijuar të shënojë ritme pozitive rritjeje, gjatë tremujorit të tretë të vitit, dhe rritja vjetore e saj ishte në nivelin 16.8%, ku kryeson kreditimi në monedhën vendase. Një tregues i rëndësishëm i shëndetit të sektorit bankar është dhe ulja e nivelit të kredive me probleme, në 4.58%, në muajin shtator.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
