.png)
Këngëtari Liam Payne ishte nën efektin e drogave të shumta, përfshirë kokainën dhe metamfetaminën, kur ra nga ballkoni i hotelit në Argjentinë.
The Guardian raporton se, nga raportet paraprake toksikologjike në trupin e tij ka pasur koktej droge e quajtur “kokaina rozë”, që përmban metamfetaminë, ketaminë dhe MDMA. Kjo i është gjetur në trup gjatë një autopsie të pjesshme, së bashku me kokainë dhe benzodiazepinë.
Rezultatet përfundimtare të toksikologjisë nuk pritet të bëhen publike për disa javë.
Ish-ylli i One Direction vdiq javën e kaluar në moshën 31-vjeçare pasi u rrëzua nga ballkoni i dhomës në katin e tretë të hotelit në Buenos Aires.
Hetuesit argjentinas gjetën lëndë narkotike dhe alkool të shpërndarë rreth objekteve dhe mobileve të thyera në dhomën e hotelit ku ishte akomoduar 31-vjeçari.
Prokuroria tha se Liam Payne ka rënë nga ballkoni i dhomës së tij të hotelit në gjendje “gjysmë ose pavetëdije totale”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
