Gazeta Si- Një sasi prej 202 kg kokainë është sekuestruar në Brianza, pranë Milanos në rajonin e Lombardisë në Itali, ku policia ka arrestuar 3 shqiptarë.
Sipas mediave italiane, lënda narkotike u kap në komunën e Agregates, teksa dy shqiptarët e arrestuar 37 dhe 44 vjeç janë vendosur në burgun e Monzës, nën akuzën e trafikut ndërkombëtar të drogës.
Arrestimet u kryen teksa shqiptarët do i jepnin një sasi prej 60 kg kokainë një bashkëatdhetarit të tyre në Milano, i cili po ashtu u arrestua.
Ndërkohë, që në pallatin ku ata jetonin, në rrugën "Ghirnghella", u gjetën 5 makina të marra me qira, të cilat ishin mbushur po ashtu me kokainë.
Karabinierët gjetën në shtëpinë e shqiptarëve dhe një sasi të madhe parash cash që mendohet të jenë përfituar nga aktiviteti kriminal.
Pak ditë më parë, në Seregno u sekuestruan 93 kg kokainë dhe më vonë dhe 5 kg të tjera. Edhe në këto raste të arrestuarit janë shqiptarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
