.png)
Nga Gazeta Si- San Marino arriti fitoren e parë zyrtare dhe fitoren e parë në më shumë se 20 vjet, duke mposhtur Lihtenshtejnin 1-0 në ndeshjen e parë të Ligës së Kombeve.
San Marino, fitorja e vetme e mëparshme e të cilit erdhi në një miqësore kundër të njëjtit kundërshtarë në prill 2004, vulosi rezultatin historik me golin e Nicko Sensolit në minutën e 53-të.
Sensoli u hodh mes një kaosi në repartin e mbrojtjes për të dërguar topin në rrjetën e pambrojtur në ato momente dhe për të ndezur festime të mëdha në Serravalle, më pas me statusin e skuadrës mike arritën të rezistonin edhe shtatë minuta me ankth deri në vërshëllimën përfundimtare, për të shkuar në krye të Grupit D1 të Ligës së Kombeve.
Skuadra që është e 210-ta në renditjen e FIFA-s, kishte fituar më parë vetëm një nga 205 ndeshjet ndërkombëtare. Rënia e tre-fishtë e bilbilit që sinjalizoi mbylljen e kohës së rregullt shkaktoi festime të papërmbajtshme ndërsa trajneri Roberto Cevoli dhe stafi i tij vrapuan në fushë. San Marino do të zbresë sërish në fushë në një miqësore të mërkurën, kundër skuadrës së Moldavisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
