.png)
Gazeta Si – Makina e drejtuar nga një shqiptar në Itali, i identifikuar si Ali Hoxha, është përmbysur me sa duket për shkak të drejtimit të pakujdesshëm të 22-vjeçarit, i cili rezultoi pozitiv në analizat e mëpasshme për zbulimin e pranisë së alkoolit dhe drogës në gjak.
Aksidenti rrugor që ndodhi natën mes të premtes dhe të shtunës në Latina, pranë Romës, i mori jetën 24-vjeçares, Mariagrazia Bedin.
I plagosur rëndë ka mbetur edhe djali disa muajsh i çiftit, i cili është shtruar në një spital të kryeqytetit Italian, si dhe motra e shqiptarit, e cila është në gjendje kritike për jetën.
Edhe 22-vjeçari shqiptar ka mbetur I plagosur dhe ndodhet në kujdesin e mjekëve në spitalin Dono Svizzero në Formia (Latina), së bashku me motrën e tij.
Sipas mediave italiane, atij i është komunikuar në spital arrestimi me urdhër të prokurorit, i cili po kryen hetimet për të rindërtuar dinamikën e saktë të aksidentit.
Pavarësisht përpjekjeve për shpëtim, mjekët nuk mund të bënin asgjë për vajzën 24-vjeçare.
Ngjarja ka ndodhur në zonën e Sant’Anastasia, pas mesnate, kur “Golfi” i drejtuar nga i riu, është përmbysur për shkak të shpejtësisë së tepërt.
Makina u përmbys disa herë, duke shkaktuar përplasjen fatale të nënës së re – e cila vdiq në çast – dhe i shkaktoi disa trauma të porsalindurit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
