.png)
Nga Gazeta ‘SI’ – Hyrjet në Shqipëri gjatë muajit korrik, janë rritur me 2.7% nga një vit më parë, mbi 2.6 mln në total. Ndonëse nominalisht shifra e hyrjeve është më e madhe, rritja është shumë më e vogël se korriku i vitit 2023. Një vit më parë, hyrjet në Shqipëri u rritën me 26.1%.
Sipas INSTAT, 1.8 mln hyrje ishin shtetas të huaj, me rritje 2.7% dhe pjesa tjetër shqiptarë.
Për të njëjtën periudhë, daljet nga Shqipëria raportohen në 2.35 mln, me rritje 10.2% nga një vit më parë.
Në Korrik 2024, 95% e hyrjeve të shtetasve të huaj në Shqipëri janë nga rajoni i Europës. Europa Jugore zë 71% të hyrjeve të shtetasve të huaj nga kontinenti Europian, ndjekur nga Europa Qendrore/Lindore me 10%.
Qëllimi i hyrjes në territorin shqiptar i shtetasve të huaj, në 99% të rasteve është për qëllime personale, ku dominojnë hyrjet për pushime, vizitë tek të afërm, etj.
Rritje të ndjeshme në muajin Korrik kanë pasur edhe hyrjet e shtetasve të huaj për qëllime biznesi dhe profesionale, me 50.9%.
Qëllimi i hyrjes në territorin shqiptar i shtetasve të huaj, në 99 % të rasteve është për qëllime personale, ku dominojnë hyrjet për pushime, vizitë tek të afërm, etj. Në korrik 2024, ky tregues ka shënuar një rritje me 3.7%, krahasuar me korrik 2023. Rritje të ndjeshme në muajin Korrik kanë pasur edhe hyrjet e shtetasve të huaj për qëllime biznesi dhe profesionale, me 50.9%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
