Gazeta Si – Shoderi 35-vjeçar i autobotit që u përfshi nga flakët në një pikë karburanti në autostradën Durrës-Tiranë dy ditë më parë, ka humbur jetën në spital.
Ngjarja e rëndë ndodhi të premten në një pikë karburanti. 35-vjeçari Evis Prendi ishte shtruar në spital, por humbi jetën si pasojë e shkallës së lartë të djegies që kishte pësuar. Bashkë me të u lëndua edhe një 20-vjeçar.
Flakët e autobotit shkaktuan shtëllunga të mëdha tymi. Ngjarja u regjistruar teksa autoboti shkarkohej në pikën e karburantit.
Zjarri u përhap me shpejtësi, por ndërhyrja e punëtorëve të pikës, policisë dhe zjarrfikësve bëri të mundur neutralizimin e zjarrit. Pas shuarjes së tij, policia e Durrësit ka nisur hetimet mbi rrethanat e ngjarjes dhe për të zbuluar nëse janë respektuar kushtet e sigurisë në pikën e karburantit që ra zjarri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
