.png)
Nga Gazeta ‘SI’ – Inflacioni në muajin korrik raportohet 2.1%, aq sa ishte edhe gjatë qershorit.
Në raport vjetor, inflacioni në total është 2 pikë përqindje më i ulët, por kjo nuk reflekton rënie të çmimeve.
INSTAT tregon se nga një vit më parë, të gjitha grupet e shportës kanë vijuar shtrenjtimit. Mobiljet dhe pajisjet shtëpiake janë rritur me 3.5%, ndjekur nga veshjet dhe këpucët me 3.3%.
Çmimi i pijeve alkoolike e duhanit është rritur me 3.1%. Ushqimet janë shtrenjtuar me 1.9%, por nga nëngrupet, çmimi i peshkut ka një rritje me 5.4% në raport vjetor dhe bulmeti e vezët me 3.5%.
Ndërsa në raport mujor, nga qershori në korrik, çmimet e ushqimeve dhe aktiviteteve argëtuese janë ulur lehtë me 0.7% dhe 0.5% respektivisht.
Inflacioni ra shpejt nën objektivin e Bankës së Shqipërisë prej 3% duke nxitur kështu një reduktim të normës bazë të interesit me 0.25%. BSH thotë se inflacioni është zbutur ndjeshëm për shkak të kursit të këmbimit dhe rënies së stimujve të jashtëm, por thekson se rritja e pagave në nivel kombëtar është presion i shtuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
