Gazeta Si- Dy aksidente kanë ndodhur këtë të enjte në Durrës dhe Pogradec, ku kanë mbetur të plagosur 5 persona.
Policia thotë se në aksin rrugor Durrës-Ndroq, shtetasi H.D., 31 vjeç, banues në Londër, me automjetin që drejtonte është përplasur me dy automjete të tjera. Si pasojë janë dëmtuar 3 pasagjerë, të cilët ndodhen në spital, jashtë rrezikut për jetën, sipas policisë.
Dy persona kanë mbetur të lënduar si pasojë e një aksidenti që ka ndodhur në aksin Pogradec-Qafë Thanë.
“Rreth orës 11:20, në aksin “Pogradec-Qafë Thanë”, në afërsi të fshatit Pojskë, automjeti tip “Volkswagen” me drejtues shtetasin M. K. është përplasur me një automjet tjetër tip “Volkswagen” me drejtues shtetasin K. P.,” njofton Policia e Pogradecit.
Shoferi i njërit prej automjeteve dhe pasagjeri janë dërguar në spital dhe ndodhen jashtë rrezikut për jetën. Ndërkaq grupi hetimor po puno për sqarimin e rrethanave dhe përcaktimin e shkakut të këtij aksidenti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
