Tregu i aksioneve japoneze “u ringjall” të martën e 6 gushtit, pas rënies drastike të një dite më parë.
Indeksi Nikkei i Japonisë u rrit më shumë se 10% pas rënies me 12.4% të hënën, që shënoi rënien më të fortë në bursë që prej 1987-s.
Edhe bursat e Wall Street u stabilizuan me S&P 500 që u rrit me 1.5%, Nasdaq me 2% dhe aksionet europiane me 1.24%.
Monedhat po ashtu patë një rikthim në normalitet, me dollarin që u rrit lehtë përballë jenit japonez, pas dobësimit me 1.5% një ditë më parë.
Në metalet e çmuara, ari është zhvlerësuar me 1.52% brenda natës. Nga ana tjetër, nafta u shtrenjtua me 1.6%.
Bitcoin ka shënuar një rritje të fortë brenda natës dhe tregtohet me një çmim 8.2% më të lartë se një ditë më parë, 55.7 mijë dollarë. Edhe kriptomonedhat e tjera më të vogla përjetuan një rritje, por tregu mbetet ende i pasigurt lidhur me të ardhmen financiare në SHBA dhe botë./Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
