Nga Gazeta ‘SI’- Eksportet shqiptare ranë me 9% në qershor të këtij viti, duke thelluar më tej dramën e këtij sektori.
INSTAT thotë se eksportet arkëtuan vetëm 35 mld lekë në qershor. Importet janë rritur lehtë, me 2.1% në 77 mld lekë.
Deficiti tregtar është rritur me 13.4% në qershor, në 42 mld lekë.
Për të gjithë gjashtëmujorin, eksportet e mallrave arritën vlerën 199 mld lekë, duke u ulur me -15 %, ndërkohë importet e mallrave arritën vlerën 440 mld lekë, duke u rritur me 0.3 %, krahasuar me një vit më parë. Deficiti tregtar arriti vlerën 241mld lekë, duke u rritur me 18%, krahasuar me të njëjtën periudhë të 2023.
Shifrat tregojnë se goditjen më të madhe në eksporte po e pëson industria e ushqimit,pijeve dhe duhani me 6 p.p rënie, ndjekur nga fasonët me -5 p.p etj.
Në fillim të këtij viti qeveria miratoi një garanci sovrane për këto sektorë në vlerën 4 mld lekë, por për përfaqësuesit e industrisë, ajo nuk ka rezultuar eficiente, për shkak të burokracive dhe hapave të ngadalta.
Zhvlerësimi i euros për më shumë se 1 vit, ka rrënuar eksportuesit, që prej kohësh tashmë kanë reduktuar aktivitetin e tyre dhe kanë paralajmëruar falimentin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
